කීර්ති ප්රනාන්දු –
ඉදිරියේ දී ගස් කැපීමේ පනතට පොල් ගසද ඇතුළත් කිරීමට පියවර ගෙන ඇති බව වැවිලි කර්මාන්ත ඇමති රමේෂ් පතිරණ පවසයි.
ඒ අනුව කොස් සහ දෙල් ගස් කැපීම තහනමට පොල් ගස ද ඇතුළත්වන බව අමාත්යවරයා කියයි.
තවද මේ වනවිට පලාත් පාලන ආයතන විසින් අක්කර 10ට අඩු පොල් ඉඩම් කැබලි කිරිම සඳහා අනුමැතිය ලබා දෙන බත් එම අනුමැතිය ලබාදීම ඉදිරියේ දී පොල් වගා කිරීමේ මණ්ඩලය මගින් ලබාදීමට නීති සංශෝධනය කරන බවත් අමාත්යවරයා කීය.
දේශීය නිශ්පාදන හා කර්මාන්ත වැඩි දියුණු කිරීමේ ගම්පහ දිස්ත්රික් කමිටු රැස්වීම අද (15) නයිවල දී පැවති අතර එහිදී අමාත්යවරයා මේ බව සදහන් කළේය.
එහි දී මෙම සාකච්ඡාවට සහභාගී වී සිටි ජනතා නියෝජිතයන් කරුණු පෙන්වා දෙමින් කජු නිශ්පාදනය ද ගම්පහ දිස්ත්රික්කය තුළ සිදුවන බැවින් කජු ගස් කපා දැමීම හේතුවෙන් කජු ව්යාපාරය ද බිද වැටීමට ලක්වන බැව් පෙන්වා දුන්නේය. කජු ගස් කැපීමේ තහනම ගෙන ඒමට සුදුසු බව ඔවුහු කීහ. ඒ පිළිබඳව ද අවශ්ය නිතී සම්පාදනය කර කජු ගස් කැපීම ද තහනමට ලක් කිරීමට අවශ්ය පියවර ගන්නා බත ඇමතිවරයා කීවේය.