දිනසේන රතුගමගේ –
2021 වසරේ අප්‍රේල් මාසයේදී පැවැත්වෙන අයි.පී.එල්.ක්‍රිකට් තරගාවලිය සදහා ක්‍රීඩකයින් වෙන්දේසි කිරීමේ නාම ලේඛනයට මෑතකදී යාපනයෙන් බිහි වූ විජයකාන්තන් වයස්කාන්ත් ක්‍රීඩකයාගේ නමද ඇතුළත් වී තිබේ.
ඔහු තවමත් වයස අවුරුදු 19 ක පාසල් ශිෂ්‍යයෙකු වන අතර යාපනය මධ්‍ය මහා විද්‍යාලයේ ඉගෙනුම ලබයි.
මේ මස 18 වෙනිදා ඉන්දියාවේ චෙන්නායීහිදී පැවැත්වීමට නියමිත ක්‍රීඩකයින් වෙන්දේසි කිරීමේ නාම ලේඛනයට ශ්‍රී ලංකාවේ ඉතාම ජනප්‍රිය කිකට් ක්‍රීඩකයින් රැසක් සමග වයස්කාන්ත්ගේ නම ද ඇතුළත්ව ඇතැයි යාපනය ක්‍රිකට් සම්මේලනය ප්‍රකාශ කරයි.
